Israel-Palestine War - Latest Updates

غزہ پر اسرائیل کے حملوں میں شہید ہونے والے فلسطینیوں کی تعداد 2 ہزار 215 ہوگئی ہے۔

فلسطین کی وزارت صحت کی جانب سےجاری بیان کے مطابق غزہ میں رہائشی علاقوں پر اسرائیل کی وحشیانہ بمباری سے اب تک 8 ہزار 714 فسلطینی زخمی ہوئے۔ شہدا اور زخمیوں میں بڑی تعداد بچوں اور خواتین کی ہے۔دوسری جانب حماس کے اسرائیل کیخلاف آپریشن طوفان الاقصیٰ  میں 13 سو سے زائد اسرائیلی ہلاک ہوچکے ہیں جبکہ سیکڑوں یرغمال ہیں۔

یہ خبر بھی پڑھیں اسرائیل پر حملہ کرنے والی حماس کیا ہے..؟ 

دوسری جانب یورپی یونین کی خارجہ پالیسی کے سربراہ جوزف بوریل کا کہنا ہے کہ  ایک دن میں 10 لاکھ شہریوں کی نقل مکانی  انسانی بحران ہے۔ اسرائیل کے وزیر اعظم بنجمن نیتن یاہو نے بیان میں کہا کہ غزہ پر شدید بمباری محض شروعات ہے۔

ادھر امریکا کے وزیرخارجہ انتھونی بلنکن سعودی عرب پہنچ گئے ہیں۔ وہ سعودی قیادت سے غزہ اور خطے کی صورتحال پر تبادلہ خیال کریں گے۔ سعودی عرب نے غرہ پر اسرائیلی فضائی حملوں کی مذمت کرتے ہوئے اسے شہریوں کو نشانہ بنانے کی کارروائی قرار دیا ہے۔

خبررساں ادارے کی رپورٹ کے مطابق اسرائیلی فورسز نے غزہ میں فضائی کارروائیوں کے ساتھ زمینی آپریشن بھی شروع کردیا ہے، اسرائیلی ایئرڈیفنس کا کہنا ہے کہ مغویوں کی بازیابی کیلیے کارروائیاں کی جائیں گی۔

اُدھر اقوام متحدہ نے غزہ کی صورت حال پر تشویش کا اظہار کرتے ہوئے طبی و بنیادی سہولیات منقطع کرنے کو غیر انسانی فعل قرار دیا اور اسرائیل سے فوری طور پر بنیادی سہولیات کی بحالی کا مطالبہ کیا ہے۔

The Israeli Alleged Malevolent Plot Against Palestinians || Israel-Palestine Conflict

غزہ میں  اسرائیلی محاصرے کے باعث غزہ کے لیے پانی زندگی اور موت کا مسئلہ بن چکا ہے۔

یو این نے خطرے کی گھنٹی بجاتے ہوئے کہا ہے کہ بیس لاکھ سے زیادہ فلسطینیوں کو صاف پانی تک بہت محدود رسائی حاصل ہے۔ فلسطینیوں کے لیے اقوام متحدہ کے ادارہ برائے مہاجرین (انروا) نے کہا ہے کہ اسرائیل کی جانب سے پانی کی سپلائی منقطع کیے جانے کے بعد غزہ کی پٹی کے لوگوں کے لیے پانی اب “زندگی اور موت کا مسئلہ” بن گیا ہے۔ پانی ختم ہونے کی وجہ سے اب 20 لاکھ سے زیادہ افراد خطرے میں ہیں۔ انروا کے کمشنر جنرل فلپ لازارینی نے کہا کہ “یہ زندگی اور موت کا مسئلہ بن گیا ہے۔ غزہ میں ایندھن کی اشد ضرورت ہے تاکہ بیس لاکھ لوگوں کو پانی فراہم کیا جاسکے۔ انروا کے مطابق، ایک ہفتے سے زیادہ ہوچکا ہے اور اسرائیل

غزہ میں انسانی امداد کی فراہمی کی اجازت نہیں دے رہا۔

یہ بھی پڑھیں: اسرائیل کا غزہ میں نقل مکانی کرنے والوں پر دھوکے سے حملہ، 70

 فلسطینی شہید 

غزہ کی پٹی میں صاف پانی ختم ہو رہا ہے کیونکہ واٹر پلانٹس اور سرکاری پانی کی
 لائنز نے کام کرنا بند کر دیا ہے۔ فلسطینی اب کنوؤں کا گندا پانی استعمال کرنے پر مجبور ہیں جس سے مختلف بیماریاں پھیلنے کا خطرہ بڑھ رہا ہے۔